Imigrassion italiana;....quanti ga rivà ntea mèrica?
Sexta, 05 de Dezembro de 2014

Nantra volta semo quà par sevitar discorer sora la imigrassion dei nostri antenati. Stimana passà ghenavemo visto cossa lori fea e come vivea rento ntea Itàlia. Incoi ndemo saver sora le paesi che i gà ndati quà ntea amèrica i anca la quantità. Prima ze bono dir che el Stati Uniti, Canadà i anca la Argentina, zeri paesi che ghenavea la capacità i anca atrativi par ricever una granda quantità de imigranti spontànii; belche el Brasile, par soa olta, ga bio la necessità di farghe una imigrassion subvenssionà, ntel quale el pròpio goerno brasilian paghea el passaio dei imigranti.

Del fin dele guere napoleóniche fin ntea dècada di 1930, 60 milioni de imigranti europèi ghenavea scampà via dei sue paese di orìgene. De questi, 71% ga ndati par la mèrica del nord; 21% par la mèrica latina ( sora tuto Argentina i Brasile ); i 7% par la Austràlia. Ghe ocor quà dirlo che la nassionalità che pì ga imigrà par la mèrica latina, ze stato la italiana, guadagnando dei espagnòi i portoghesi. Dei 11 milioni de imigranti che ga vignesti ntea mèrica latina, 38% zeri italiani, 28% zeri espagnòi i 11% portoghesi. Vui quà anca stacare le parole che un citadino italiano ga ito par el ministro di stato dea Itàlia: “ Cossa capii che sìpia una nassion signore ministro?! Ze la maioranssa dei infelice?! Piantemo e racoltemo il formento, però mai magnemo pan bianco! Piantemo le vignai, però mai bevemo el vin! Slevemo le bèstie, però mai magnemo la cìcia! Dopo di questo, vu vien dirlo par noantri no sbandonare la nostra pàtria?! Ma dime: ze una pàtria la tera ndoe no si pole mia vìver del pròpio laoro?!”.

I cossita, del ano 1870 fin 1970, l’ imigranti italiane che ga scampà via i ndati par tuto el mondo, ga somà il numbro di 24 milioni di persone. I questi ze i paesi par ndoe i ga ndati i anca la quantità: Stati Uniti: 5,6 milioni; Franssia: 4,1; Suissa: 3,0; Argentina: 2,9; Alemagna: 2,4 ; Brasile:1,5 ; Impèrio Austro- ùngaro: 1,1 ; Canadà: 0,6 ; Bèlgica: 0,5; Austràlia: 0,4 ; Venezuela: 0,2 ; Grà-bretagna: 0,2 . Lora ghenavemo 12,5 milioni che ga ndati ntea europa i, 11,5 milioni par la américa i Austràlia. Pì o manco la metà dea populassion dea Itàlia in quei ani ga “ scampai” via. Par capir de pì sora la imigrassion italiana ntel Brasile, ze bisògno veder prima alcuni aspècheti: ntea prima metà del cècolo XIX, la Grà-Bretagna, che zera la potènssia dea época, ga pressionà el Brasile par fenir con el tráfico dei schiavi negri, i cossita ga sconmissià la mancansa di man-di-òpera par far i laori ntele piantassion dei café.

Comentários