Taliani, veri sataroni di questo paese!!
Sexta, 23 de Janeiro de 2015

Compagno femo tute le stimane, sevitemo anca incoi el raconto sora la imigrassion taliana. El stato di San Paolo ga tegnesto la maioransa dei taliani, in torno di 44% di tuta la imigrassion taliana ntel Brasile trà i ani 1820 fin 1888, i 67% trà i ani 1889 fin 1919. Ma el percentual pì grando ze stato ntel ano 1900 fin 1909 quando ga batesto in 79% dei imigranti. Par questo, ntel ano 1934, taliani con soi fioi, representeva belche 50% del pòpolo di San Paolo. Ghe ocor qua dirlo che el goerno di San Paolo, feva di tuto par ricever de pì taliani che i altri stati. El ghe deva 75.000 rèis par ògni talian omo o fémena fati, metà di questo par tosi di 7 fin 12 ani, i 20% par tosatei di 3 fin 7 ani. Cossita ze restà fàcili conchistà l'imigranti. Oltre questo, i giornai pauliste publicheva anùnsii invitando i stranieri belche qua ntel Brasile, par ciamar i soi parenti dea Itàlia par vegner anca lori fin San Paolo che i guadagnea el passàio del bastimento. Ntel ano 1887, ze stato fato un "albergo" par l'imigranti ntel quartiere del bràs, ndove lori ghe resteva par oto dì. La i zera visitai par i asendieri che i feva proposte di laoro. Queste proposte zera fati solche ntea parola, sensa nissuna garanssìa di che le fusse cumpìe. Una volta aceto el acordo, l'imigranti zeri menai di treno, che el stato pagheva, fin le asiende. Quando i riveva ntele asiende, i pori contadini si depareva con le pedo condissioni possìbili. Le asiende zera un mondo separà, isolai par ore, de le volte fin giorni, dei sentri urbani, sensa dotore, lontani dele ciese, squasi sensa scole, ntea ora d'en dar ntel leto, ghe ocoreva dormire sora le fastugi ( paglie ) parché paion i leto no ghenaveva mia, i tuto rento ntele caseta cée. Le condissioni di laoro anca zera compagno quele dei schiavi, parquela ghenaveva alcune rebelione i fin contadini che i ga copà i su paroni, compagno ga fato Angelo Longaretti che ga copà el asendiero Diogo Salles ( fradel del presidente Campos Salles), parché lu ( Diogo) ga proà ciapar ( magnar ) a forsa la sorela di Angelo. Ma queste revolte no zera massa, parché l'italiani zeri passìfichi, belche costumai con la vita difìcile ntea Itàlia. Alora quei che no zera tanti contenti cossita, ndeva via dele asiende i vignea altri in suo posto. Par incoi ze questo. Adesso la fròtola dea stimana.... Alora una volta ghenea un orbeto, zera védovo a due ani. Dopo di morta so fémena, mai pì pincià!Parquela zera pien di vóia. Alora lu ga dito par su amico: cata fora una putana che mi vui copar la voia! Ma che sìpia una putana gióvena i bela! No stà mia petarme parché son orbo!...Alora el su amico ga dito: lassa par mi che vao suito catarte la mèio putana dea cità i mando che a vegne qua par ti far el laoro! Dito questa lu ga ndado via. Dopo di meda ora i ga sciocà ntea porta. El orbeto va verder contento che ndea " sofegar el oco" con na bela tosa. Ga verto la porta i la zera la Soeli, la putana. Lora el orbo la ga menada fin el leto i ga domanda: dime Soeli che roba gheto? Mi son c'una saieta giala i corta, ntei pìe go stivai longhi i neri. Alora cava via tuto,...ghe dise el orbeto bavando di vóia! Ela ga cavà tuta la roba i lu domanda: dime nantra cosa Soeli: gheto belche fato 69? Ancora nò,.. ghe dise ela,....ma vao far de qua a due stimane! Quel che ze un vero amico, nò?!

Ouça e divulgue o programa Talian Ricordi d’Itália, na Rádio Sol D’América FM 91.1

Todo Domingo das 7 às 9 horas da manhã.

Comentários