Alora cio
Sexta, 13 de Fevereiro de 2015

 Alora ciò!...Mi son qua nantra volta co'l raconto dela imigrassion taliana. Solche sìe stati brasiliani ga ricevesto squase la totalità dei taliani. I questi ze i stati en ordine de importansa: San Paolo, Rio Grande del Sud, Minas Gerais, Espìrito Santo, Santa Catarina e Paranà. El stato de San Paolo ze de lontan quel che pi taliani ga ricevesto. Dei 1,5 milioni de taliani che ga vignesti qua ntel Brasile trà i ani 1875 fin 1935, 1,2 milioni de lori ga ndati par SP, 100 mile par el RS, 60 mile par MG, 25 mile par el ES, 25 mile par SC e 20 mile par el PR.  SP e MG ghenavevi una polìtica imigratòria massa compagna: ciapar l'italiani par beter ntel posto dei schiavi ntele asiende dei cafè. I altri stati par soa olta, i voleva l'italiani par farli cei contadini, padroni del suo toco de tera.
El stato del RJ e, soratuto, la soa capitale, anca ze stato el destin de arquanti italiani che ndeva en cerca de impiego. Ma questo ga sucedesto solche dopo del ano 1900, no drite dea Itàlia, ma de altri stati brasiliani. Sora quele altre regioni del Brasile, el goerno ga fato arquante tentative de colonisassion, tanto par el nord, quanto par el noroeste, ma i ga fracassà en tute, parquela no ga mia sevità. El stato del RS ga ricevesto i primi imigranti taliani rivai ntel Brasile. Gl'italiani riveva par esseri cambiadi par l'i tedeschi che, ogni an, riveva en manco quantità. I contadini taliani qua ntel RS, ze stati posti ntela region par laorar come cei contadini, i ga reservai a lori le tere selvadeghe ntela sera gaussa. Ntela region ze stato slevai le prime trè cologne taliana: Conde D'eu, Dona Isabel e Campo dei Bulgri, che ntela atualità ze le cità de Garibaldi, Bento Gonçalves e Cassias del Sud, respechetivamente. Con el corer del tempo, l'italiani i ga scominsià a ndar su par le rive colonisale anca quele. Quando no ghe svanseva pi tere en quela region, i ga migrai par arquante regioni del RS.
Ntel sentro del stato ze stata slevada la quarta cologna dela imigrassion taliana, ze stato el primo " mucio" de taliani fora dela sera gaussa i che ga originà i contea ( munissipi) come Silveira Martins, Ivorà, Nova Palma, Faxinal do Soturno, Dona Francisca e San Gioan del Polésine. En questo ùltimo, ze la localidà del Vale Véneto, nome questo par farghe un omenàio a la region veneta ntela Itàlia. Altre cologne taliane ze state slevai i ga originà le cità come: Cassias del Sud, Farroupilha, Bento Gonçalves, Garibaldi, Flores da Cunha, Antônio Prado, Veranópolis, Nova Prata, Encantado, Nova Bréscia, Coqueiro Baixo, Guaporé, Lagoa Vermelha, Soledade, Cruz Alta, Jaguari, Santiago, São Sepé, Caçapava do sul e Cachoeira do Sul.
Queste ze le pincipale cologne taliane del stato. Darente de 100 mile taliani ga vignesti ntel RS trà i ani 1875 fin 1910. En 1900, belche viveva ntel stato gausso 300 mile taliani e sui dessendenti. Finimo qua incoi. Adesso la fròtola. El tosato riva e domanda par so mama: mama, dise una cosa; parché la me cusina se ciama Rosangela? Ah fiol ! -dise la mama - ze parché la so mama ghe piase de fiori. El tosato torna a domandar: e mi mama, parché me gheto dato questo nome? La mama ghe fa una caressa ntea testa del tosato e dopo ghe dise: pi avanti ti te vegnarè a saver parché Pauleto!... Come dise la me mama: quei che ga da esser gusti, nò?! Ouça e divulgue o programa talian Ricordi d’itália na rádio sol d’américa FM 91.1 todo Domingo das 7 às 9 da manhã.

Comentários