Gl'italiani in Santa Catarina!!!
Sexta, 20 de Fevereiro de 2015

Ciao taliani bonìssimi!...Rivo incoi par parlar sora la imigrassion taliana ntel nostro vissino stato catarinense. Darente de 95% de'l italiani rivadi en Santa Catarina zera del nord dea Itàlia, dei atuai stati del Véneto, Lombardia, Friul-Veneza Jùlia e Trentino-Alto Àdige. Però i primi imigranti taliani rivadi ntel stato, en 1836, zeri originai dea Sardegna, i ga sfondà la cologna de Nova Itàlia ( atual San Gioan Batista). Questi imigranti ze rivadi en nùmbro ceo e poco ga influensià ntela demografia del stato. 

Dopo del ano 1875 ga passà a esser assentai un nùmbro pi grando de italiani. Cossita ze state slevade le prime cologne taliane: Rio dos Cedros, Rodeio, Ascurra e Apiùna, tute queste intorno dea cologna tedesca de Blumenau. En questo medèsimo ano, imigranti del Tirol italiano ga sfondà Nova Trento, i en 1876 ze stato sfondà Porto Franco( incoi Botuverà). Gl'italiani instalai ntele prime cologne zera vegnui en soa maioransa dela Lombardia e del Tirol italiano, che en quela època pertenseva a Àustria. Arquante altre cologne ze state slevade en quei ani dopo, i ghenaveva el sud catarinense come el prinssipal posto dea colonisassion taliana. 

En questa region ze stato sfondà Azambuja en 1877, Urussanga en 1878, Criciùma en 1880, la cologna mescolà de Grão- Parà en 1882, el nùcleo Presidente Rocha( incoi Tredese de Maio ) en 1887, i nuclii de Nova Veneza, Nova Belluno ( incoi Sideròpolis ) e Nova Treviso ( incoi Treviso) en 1891, e Acioli de Vasconcelos ( incoi Cocal del Sul )en 1892. Ntel sud del stato catarinense, gl'imigranti vegneva màssima del Véneto, e, en ceo nùmbro, dea Lombardia e de Friul- Veneza Jùlia. Gl'imigranti se ga dedicà al svelupamento dea agricoltura e la minerassion del carbon, robe queste massa importante ntela formassion de questa region. I eventi che pi caraterisa questa colonisassion ntel sud, ze le feste tìpiche, come la festa del vin e el Ritorno alle Origine, ambidue ntel contea de Urussanga. 

La rivada de'litaliani al stato se ga finio en 1895, quando un nùmbro belche redusio de contadini ze rivadi par colonisar la comunità de Rio Jordão ntel sud del stato. Alora, dopo del ano 1910, mile de mile gaussi ga migrà par Santa Catarina, trà lori, mile de mile taliani. Questi taliani ga colonisai un grando toco del oeste catarinense. Massa dea coltura ancora la ze mantegnesta ntei antichi fochi dea colonisassion, màssima ntei magnari e ntea léngoa. Par incoi ze questo, sevitemo setimana che vien. 

Adesso la nostra fròtola! Alora una olta la mama ghe va de sùbito rento ntea càmera de leto de so fiola de quìndese ani e cata sconto soto el leto un toso. Lora rabiosa che mai, la mama ghe osa: cossa fa quel toso soto el leto?! La fiola presto ghe dise: ma varda mama, soto el leto no sao mia cossa lu fa, ma sora, ghe fa una mùcia de cose!!   Ghinè cose che ze mèio gnanca domandar, mia vero?!

Ouça e divulgue o programa talian Ricordi d’itália na rádio sol d’américa FM 91.1 todo Domingo das 7 às 9 da manhã. 

Comentários