Imigrassion italiana ntel Brasile,.... 140 ani de stòria e vita!!!
Sexta, 29 de Maio de 2015

Alora ciò !...come femo tute le stimane, semo qua! Incoi menemo a valtri un toco sora i 140 ani dela imigrassion taliana ntel Brasile.
Ntel giorno 20 de magio de 1875, a giusti 140 ani indrio, riveva qua ntel Brasile i primi taliani. La rivada qua, zera ntel porto de Santos e anca ntel Rio de Janeiro, e solche dopo rivadi, ze che i taliani saveva in qual posto del Brasile el goerno i meneva. Quei che vegneva ntel RS, sbarcheva ntela sponda ( margem) del fiume guaíba a Portolegro. Dopo in sèvito, i ciapeva un vaporeto e i ndeva par el fiume caì. Chi ndeva par la region de Bento Gonçalves, sbarcheva a Montenegro. Belche par la region de Cassias del Sud, la ùltima fermada zera San Sebastian del Caì.
Fra i ani 1875 a 1914, el RS ga ricevesto in torno de 80 mila imigranti taliani. De tuti i taliani che ga ndati via dela Itàlia in questi ani, 24% ga vignesti par la amèrica del sud.
Me par bon dir anca che in quei ani, metà del pòpolo italiano i ga scampadi via dela Itàlia, parché pena dopo dela unificassion dela Itàlia, che se ga dato ntel ano 1861, l'italiani zera tuti drio patirse la fame, parché no ghenaveva magnar par tuti. Alora, o se ndeva via del paese, o se patia de fame!
Adesso betemo soto i ani e la quantità de taliani rivadi ntel RS.
Ntel ano 1882 - 3.205. An 1883 - 3.735. An 1884 - 1.345 . An 1885 - 7.600. An 1886 - 2.352. An 1891 - 9.440. An 1892 - 7.523. An 1893 - 1.503. An 1894 - 424. An 1895 - 947. E 1910 fin 1914 - 2.256 taliani.
El marco zero e la cuna dela colonisassion taliana ntel RS, ze Nova Milano - 4º distrito de farroupilha. Parquela ze stata la comunità scoia par el cónsul general dela Itália, Nicola Occhipinti, par la realisassion dela comemorassion dei 140 ani dela imigrassion taliana, ntel giorno 20 de Màgio de 2015
Ancora secondo la embassada italiana ntel Brasile, ntel ano de 2013, noantri taliani zèrino in torno de 30 milioni de persone, darente de 15 % dela popolassion brasiliana ( una nassion rento nantra). Alora par tuto questo,.....viva i taliani de questo Brasile!!
Adesso la fròtola : La maestra zera la drio insegnar i aluni, quando ga ciapà un bruto rabalton! La còtola ga vignesto fin el bunìgol. Ma el pedo ze che ela zera sensa bragheta par soto! Sguelta, se mete in pìe, giusta el vestì e domanda a soi aluni: cossa gheto visto Bepin? Mi go visto i danòci. Una stimana de suspension, ghe dise la maestra. E ti Tonin, cossa gheto visto? Mi go visto tute le gambe e un toco dele culate. Alora par ti due mese de suspension. E ti Gioanin, cossa gheto visto? Gioanin ciapa i caderni, mete soto el bràssio, riva fin la porta, varda indrio e ghe dise: fin ano che vien giente!!
CURSO DE TALIAN: Se você está interessado(a) em aprender a falar melhor nossa língua taliana, também lê-la e escrevê-la, então entre em contato comigo através do meu e-mail.
Ouça e divulgue o programa talian Ricordi d’itália na rádio sol d’américa FM 91.1 todo Domingo das 7 às 9 da manhã.

Comentários