El vangelo de Gioa..., ghe resta ancora meio ntel talian!!
Sexta, 02 de Outubro de 2015

Brai taliani, noantri ghemo belche scrivesto qua sora na mùcia de cose, alora go pensà qua co'i mi botoni: parché no meter qua un toco dela bìbia ntela nostra bela léngoa taliana?! Se semo veri cristiani, bisognemo parlar sora quel che ze paron de tuto che semo e gavemo. Alora scominsiemo co'l vangelo de Gioan, che par mi ze el vangelo meio par leder. "Ntel princìpio zera el verbo, e el verbo zera con Dio, e el verbo l'era Dio. Lu zera ntel princìpio con Dio. Tute le cose ze state fate par lu, e sensa lu gnente del che ze stato fato se ga fato. In lu zera la vita, e la vita l'era la luce dei òmini. E la luce sluse ntele tènebre, e le tènebre no la ga capio. Ga bio un omo invià de Dio che se ciameva Gioan. Questo ze vignesto par testemoniansa , par che testifichesse de'a luce, par che tuti credesse par lu. No l'era lu la luce, ma par che testifichesse de'a luce. Li zera la luce vera, che fa ciaro a tuto el omo che vien al mondo. L'era ntel mondo, e el mondo ze stato fato par lu, e el mondo no'l ga cognossesto. El ga vignesto par i che i zera suo, e i soi no'i ga ricevesto. Però, a tuti quanti che lo'i ga ricevesti, e'l ga dato el poter de'i esser fati fioi de Dio, a quei che crede ntel suo nome; i quai no'i ze mia nassesti del sangue, gnanca dela volontà dela carne, gnanca dela volontà del omo, ma de Dio. E el verbo se ga fato carne, e se ga postà tra noantri, e ghemo vedesto la so glória, come la glória del unigénito del pare, pien de gràssia e de'a verità. Gioan ga testificà de lu, e ga dito osando: questo l'era quel de chi mi diseva: El che vien dopo mi, l'è vanti de mi, parchè l'è stato primo che mi. E tuti noantri ghemo recivesto anca de'a soa plenitù,e gràssia par gràssia. Parché la lege la ze stata data par Moisès; la gràssia e la verità le ze vigneste par Jesù Cristo. Dio mai ze stato vedesto par qualchedun. El fiol unigénito che'l ze ntel seno del pare, questo lo ga revelà. E questa la ze la testemoniansa de Gioan, co i giudei ga mandà de gerusalen i sasserdoti i levite par che domandasse: sito chi ti? E ga confessà e no ga mia negà; mi no lo so el Cristo. I lo ga domandà: alora sito chi? Sito ti Elias? E lu ga dito: Nò. Sito ti profeta? E lu ga dito: Nò. E i ga dito: Sito chi? Par che ghe demo la risposta par quei che ne ga envià; che dise de ti pròpio? E lu ga dito: Mi son la ose del che osa ntel desert: indrissiai el sentiero del Signor, come ga dito el profeta Isaìas. E i che ze stati envià zera de'i farisei." Sevitemo setimana che vien...
Fròtola: Bepin ze morto e co riva ntela porta del paradiso, san Piero ghe vien trovarlo e ghe dise a lu: Si... adesso vuto vegner rento ntel paradiso, ma ntei di de san Piero gnanca ntela ciesa gheto ndato! Si, si caro-ghe dise Bepin-ntei di de tuti i santi son ndato ntela ciesa, ma adesso, se ti te no zeri mia casa, mi no go mia colpa nò!!!
Ouça e divulgue: Ricordi d'itàlia, aos Domingos, das 7 às 9h30, na Sol d'América FM 91.1
 

Comentários