Ntel nostro talian, fin la bìbia ghe resta meio!!!
Sexta, 16 de Outubro de 2015

Nantra volta semo qua par sevitar co'l vangelo de Gioan d'ndove se ghemo fermà n'tela setimana passà. "E Filipe l'era de Betsaida, cità de Andrè e de Piero. Filipe ga catà Natanael e ga dito: gavemo catà quel de chi Moisès ga scrivesto ntela lege, e i profete: Gesù de Nazarè, fiol de Giusepe. Ga dito Natanael: pol vegner qualcossa bona de Nazarè? E lo ga dito Filipe: vegne e vede. Gesù ga visto Natanael drio vegner fin lu, e ga dito sora lu: ècolo qua un vero israelita in chi no ga mia sbàlio. Lo ga dito Natanael: d'ndove ti me cognosse? Gesù ga rispondesto e ga dito: vanti che Filipe te ciamesse, te go visto mi soto n'tela fighera. Natanael rispondendo lo ga dito: Rabi (che vol dir, maestro), ti te si el fiol de Dio; sito ti el re de Israel. Gesù lo ga dito: parché te go dito: te go vedesto soto la fighera, gheto credesto? Cose pi grande che queste te vedarè. E ga dito: n'tela verità, n'tela verità ve digo che de qua a vanti vedarè el cielo verto, e i àngeli da Dio ndando in su e in zo sora el fiol del omo. Capìtolo 2 : Al terso di, se ga fato le nosse in Canà dela Galilea; e zera là la mama de Gesù. E ze stato anca invità Gesù e i soi dissìpoli par le nosse. E mancando vin, la mama de Gesù lo ga dito: No ga mia vin. I Gesù ga dito: Dona, cossa go mi con ti? Ancora no'l ze rivada la me ora. So mama ga dito ai servienti: Fé tuto che lu ghe dise. E zera li poste sie taglie de sasso, par le purificassion dei Giudei, e in ogni una ndeva due o tre almudi. E ga dito Gesù: impieni d'aqua queste taglie. E i la ga impienida fin sora. E lo i ga dito: Cavé adesso e menai al maestro-sala. E i lo ga menai. E pena el maestro-sala proà la aqua fata vin (no'l savendo d'ndove vigneva, benché lo savevi i servienti che gaveva cavà l'aqua), ga ciamà el maestro-sala al marì, e lo ga dito: Tuto el omo bete prima el vin bono e, quando se lo ga bevesto tuto, dopo bete el rugno ; però ti gheto badà fin adesso el meio vin. Gesù ga principià cossì i soi segni in Canà de'a Galilea, e ga manifestà a so glòria, e i soi dissìpoli ga credesto in lu. Dopo de questo, lu ga ndato in zo fin Cafarnaun, lu, so mama, soi fradei e soi dissìpoli; e i ga restà là nò massa giorni. Sevitemo setimana che vien...
Una bela storieta: "Una volta un omo de'a cità zera drio far un giro nte'a cologna, e se ga ciapà sensa ndove magnar al mesdì. Alora ga catà una fameia de sèmplici contadini e lori lo ga invità par far el pranzo insieme. Ntela ora de ndar ntela tola, el omo bramoso scomìnsia a impienir el piato. Alora el paron de quela fameia ghe dise: scusame ciò! Ma qua in cologna, noantri gavemo el abitùdine de ringrassiar a Dio vanti de magnar. El omo sensa creansa e volendo burlar, domanda: Qua in cologna, tuti voialtri ga el abitùdine de far la preghiera vanti del magnar? Tuti, tuti, nò - ghe dise el paron - gavemo le bestiame ntel potrero e i porsei ntel porsil che no'i ringràssia mia a Dio par el magnar de ogni di!"

Ouça e divulgue: Ricordi d'itàlia, todo domingo, das 7 às 9h30, na Sol d'América FM 91.1

Comentários