Giuseppe Garibaldi... el eroe de'i due mondi!! (primo toco)
Sexta, 29 de Janeiro de 2016

Alora ciò taliani, come la vala? Con grando piaser, rivo incoi par parlar sora quel che ze considerà el "eroe de'i due mondi". Quel che noantri itali-gaussi lo cognossemo tanto ben; el Giuseppe Garibaldi. Giuseppe ze nassesto nte'l di 4 de Iulio de 1807, nte'a cità de Nizza (incoi Nice, nte'a Frànsia) e ze stato batedà nte'l giorno 29 de Iulio de 1807 e registrà come un citadin Francese co'l nome de Joseph Marie Garibaldi. El so pupà se ciameva Domenico Garibaldi (1766-1841), nassuo in Chiavari, e so mama se ciameva Rosa Raimondi (1776- 1852), nassua in Loano nte'a Liguria. Giuseppe zera el secondo de sie fioi: Angelo, el fradel pi vècio che ze stato consul nte'i Stati Uniti; Michele ze stato capitano nte'a marigna; Felice; Elisabetta e Maria Teresa, che'i ze morte ancora tosatele. Sora la vita de ceo de Giuseppe, no se sà massa cosa; ai oto ani, el ga salvà una lavandaia che zera drio negarse nte'a acua. Nte'l ano 1814, la casa dei Garibaldi la ze trata in tera par via dele òpere del porto, parquela ga ocoresto la fameia cambiarse de posto. E'i so pupà i voleva che lu fusse un avocato, chissà mèdego o prete, ma Giuseppe no piaseva mia de studiar, pitosto voleva far laori forsai e anca portar una vita nte'l mar. Però al so pupà, no piaseva mia che lu meneva questa vita, parquela Giuseppe ga intivà scampar via traverso el mar par Génoa, insieme con tre amici, però ze stato squerto par un prete e, menado casa nantra volta. Dopo pi tardi, Giuseppe ga passà diese ani de so vita rento a'i bastimenti mercanti e ga rivà a'l posto de capitano. Nte'l ano 1833, ga cognossesto Giovani Battista Cuneo e cossì ga intrà par la sossietà sacreta "gióvani Itàlia", del Giuseppe Mazzini, che zera republicano e speteva riussir la unificassion de'a Itàlia.

Giuseppe se ga unio a sossietà sacreta, giurando dedicar so vita par deliberar so tera nadal del iugo straniero. In Novembre de 1833, se ga trovà con Mazzini, scominsiando una relassion piena de guai. In febràio de 1834, ga fato parte de'a fracassada insureission de Génoa, dopo fato presionero, ze stato condenà la morte, ma ga scampà par Marselha e, in 1835 scampa par la Tunìsia, dopo ze vignesto al Rio de Genaro qua a Brasile. Alora con 28 ani, scominsiava el suo primo esilio. Sevitemo setimana che vien sora la vita de Garibaldi...

Ouça, Ricordi d'itália, aos Domingos, das 7 às 9h30 na Sol d'América 91.1

Comentários