Giuseppe Garibaldi... el eroe de'i due mondi!! (secondo toco)
Sexta, 05 de Fevereiro de 2016

Ciao cari taliani! Sevitemo parlar sora la vita de Giuseppe Garibaldi? Alora ndemo avanti. Setimana passà ghemo vedesto come lu ze vegnesto a Brasile. Incoi vedemo cossa lu ga fato qua. Giuseppe ga restà qualche tempo nte'l Rio de Genaro, ndove ga cognossuo Luigi Rossetti, con chi se ga giontà nte'a revolussion faropilha. Ancora nte'l Rio de Genaro, ga cognossuo anca Bento Gonçalves e de lu ga riussisto una létera de corso par presionar le embarcassion imperiai, e in 1º de setiembre de 1838, Garibaldi ze stato nominà capitano de'a marina faropilha. Rossetti e Garibaldi i ga deventà la soa cea barcheta, in corsàrio, a laoro de'a Repùblica Rio-Grandense. Nte'l camino par el sud, i ga atacà un bastimento austrìaco, co na càrica de cafè, e'i ga scambià de bastimento co'i soi passagieri, sbatedando el bastimento de Faropilha. Mentre Rossetti ga sbarcà nte'l porto de Maldonado, Garibaldi ze stato fracà in galera nte'a Argentina. Dopo de arquanti di in preson, ga riusisto scampar e rivar al Rio Grande del Sud.

Insieme ai republicani, el ga fato un stalero in Camaquã, nte'a stànsia de Ana Gonçalves, sorela de Bento Gonçalves. Finida la construssion dei barchi, i ga trati nte'a acua, però, acossai par la armada de John Grenfell, no'i gabio tanto sucesso. Ze vegnesta alora la idea de menar i barchi par la laguna dei pati fin el rio Capivari e, de là, par tera sora rode fate màssima par quelo, fin la bara del Tramandaì, ndove i barchi ciaparia el mar. Cossita Garibaldi ga restà un per de ani giutando i faropigle nte'a guera qua a Rio Grande del Sud, dopo ga ndato a Santa Caterina. Dopo rivai a Santa Caterina, i se ga unii al esèrcito de David Canabarro e i ga parecià el atache a Laguna par tera e par acua. In Laguna, Garibaldi ga cognossuo Ana Maria de Jesus Ribeiro, che dopo pi tarde vegneva esser la Anita Garibaldi, con chi se ga maridà e che se ga deventà in soa compagna de lota nte'a mèrica de'l sud e dopo nte'a Itàlia.... Incoi se fermemo qua, però setimana che vien sevitemo sora la vita de questo brau talian che ze stato Giuseppe!

Ouça Ricordi d'Itàlia, todo domingo, das 7 às 9h30 da manhã, na Sol d'América 91.1 FM

Comentários