Giuseppe Garibaldi... el eroe de'i due mondi!! (terso toco)
Sexta, 12 de Fevereiro de 2016

Nantra setimana se ga ndato... Cramento... Come i giorni se va presto!! Ben, ben; semo qua par sevitar a parlar sora la vita e i afari de Giuseppe Garibaldi. Sora el pòpolo gausso, una volta Garibaldi ga dito: "Mi go visto corpi de trope pi grande, scaramusse pi disputae, ma mai visto in gnanca una banda, òmini pi brai, gnanca cavalieri de pi coraio de'a bela cavalaressa rio-grandense, ndove go imparà a despresiar el perìcolo degnamente par le cause sagrà dele nassion. Quante volte son stato tentà a patenteà a'l mondo, i fati assombrosi che go vedesti far par questa brava e destemia giente, che ga sostegnà par de pi de nove ani contra un poteroso impèrio, la pi encarnissada e gloriosa lota!".

Dopo che ga cascà Laguna, le trope faropigle ga tornai a'l Rio Grande del Sud. Garibaldi ancora ga partissipà con Bento Gonçalves e nantri 1.200 òmini, de'a campagna par la conchista de São José do Norte, ndove se ga travà una granda lota de squasi nove ore, ndove i farapi ga ciapà la cità par un toco de tempo, dopo i ze stati parai via par le trope del goerno.

Dopo de questo, Bento Gonçalves ga dispensà Garibaldi e lu se ga scambià par Montevideo, nte'l Uruguai, insieme con Anita so fémena e suo fiol Menotti, nassuo in Mostardas, nte'l litoral sul del Rio Grande. Ga portà insieme 900 bò, però solche 300 ga rivà a Montevideo, in giugno de 1841.

Nte'l Uruguai, Garibaldi ga lavorà come maestro de matemàtica e anca coretor. Dopo ga intrà nte'a marigna e ga rivà a'l posto de coronel, ndove ga partissipà de arquante lote in mar.

Le fassagne de Garibaldi nte'l oltremar se ga fato cognosser nte'a Itàlia a'l suo compatriota Raffael Lacerenza, che ga distribuisto, par so pròpia conta, sie mila còpie del "Decreto de gràssia e onor" concedesto par el goerno de Montivedeo ai legionarii italiani.

Garibaldi ga ritornà a Itàlia in 1848 par lotar nte'a Lombardia contra el esèrcito austrìaco par giutar nte'a unificassion italiana. Sevitemo...

Dir de'i nostri noni: " La sìmia che se grata, la ghe ciama balini".

Ouça o programa Ricordi d'Itàlia, na Sol d'América, aos domingos das 7 às 9h30 da manhã
 

Comentários