Giuseppe Garibaldi... el eroe de'i due mondi!! (quarto toco)
Sexta, 19 de Fevereiro de 2016

Ècolo... Come femo tute le setimane, qua semo par far nantra volta, o sìpia, parlar sora la stòria de'i nostri brai taliani. E come son drio parlar sora la vita de Giuseppe Garibaldi, sevitemo incoi e cossì avanti fin finirla, parché ghe a tiremo longa. Come ghemo visto setimana passà, Garibaldi con so fémena Anita, i ze ritornai a Itàlia, e a'l fin de 1848, el papa, con paura de'i soldai nemici, ga sbandonà Roma, par ndove ze ndato Garibaldi con soi compagni. In Febraio de 1849, Garibaldi ze stato eleto deputà de'a pena fata Repùblica Romana. Tanti italiani de fora de'i stati pontìfici, i ze ndati a Roma par la lota de'a repùblica. 

Pérdita in Roma e la morte de Anita Garibaldi: Ancora che no ghena'vesse scoia par evitar la cascada de Roma, la lota de Garibaldi e soi compagni, se ga fato in una de le pi èpiche passagie del rissorgimento. La lota se ga scominsià del bon nte'l giorno primo de Giugno e dopo de un mese, el esèrcito de'i francese ga vinto nte'l giorno 29 de Giugno. Nte'l giorno 30, la assemblèia romana se ga reunio par debater tre scoie: consegnarse al nemico; sevitar la lota; o ndar via de Roma par lotar dopo pi avanti. Alora Garibaldi ciapando la parola, ga dito: "ndove saremo, là sarà anca Roma". E ancora ga dito Garibaldi: "La fortuna che incoi ne la ga tradito a tuti, riderà par noantri doman. Son drio ndar via de Roma. Quei che vol sevitar la guera contra gl'i stranieri, vien insieme a mi. No oferto mia paga, sguaita e gnaca magnar. Oferto sol fame, sen, lote e morte. Quei che ama questo paese con so cuor e no sol de lavri, me vien dadrio".

Alora cossì, Garibaldi ga sbandonà Roma e ga ndato verso a Venéssia, e con lu 3900 soldai. Dadrio de lori par coparli, ze ndati tre esèrciti (i francesi, spagnoi e napolitani) con 40 mila soldai. A'l nord, zera el esèrcito astrìaco drio spetarli con nantri 15 mila soldai. E cossì el esèrcito de Garibaldi ze stato vinto, però Garibaldi ga riussisto scampar, ma so fémena Anita Garibaldi, che zera belche magagnada, la ze morta nte'l giorno 4 de August de 1849, in Mandriole, darente de Ravena. Sevitemo setimana che vien...

Dir de'i nostri antenati: "de tanto ndar a la fontana, la sècia ga perso el mànego." Ouça o programa Ricordi d'Itàlia, na Sol d'América 91.1, domingos das 7 às 9h30

Comentários