Giuseppe Garibaldi... el eroe de'i due mondi!! (quinto toco)
Sexta, 04 de Março de 2016

Avanti brau taliani, che ghemo tanto da far! Sevitemo co'l raconto sora la vita del brau Giuseppe Garibaldi. Garibaldi ga tornà a Itàlia in 1854. Ga comprà un toco de'i tereni de Caprera, una ìsola del arquipèlago de La Maddalena. Pena dopo, la ìsola ga passà a esser tuta soa. Dopo de ingravà el suo bastimento, Garibaldi ga molà man de esser marinaro, par esser contadin, rivando a ghen'aver un bosco de 100 oliver, un vignal par far vin, 150 teste de bò, 400 polastri, 200 cavre, 50 porsei e pi de 60 musse.

Ntel di 4 de August, ga publicà ntela stafeta una létera con sue idee, lontanandosse dele posission del Mazzini. Nte'l giorno 17 de Marsio de 1859, Garibaldi ze stato fato Maior- general, con 3200 soldai e se ciameva "i caciatore dei Alpi". Nte'l giorno 23 de Maio, ga vinto i austrìachi e ga intrà ntela Lombardia. Finida la seconda guera de'a independensa, la Lombardia ze stata anessada al regno de'a Sardegna. Adesso Garibaldi gaveva belche diese mila soldai. Dopo de riussista la unificassion del nord del paese, Garibaldi ga tornà la so atension par la Itàlia central . Garibaldi ga recusà el tìtolo de nobilessa e la pension vitalìssia che el rè lo ga oferto e se ga retirà par so cea caseta nte'a ìsola de Caprera. Lu però no considereva finida la so mission, parché Roma seviteva fora del regno de'a Itàlia.

Al s-ciocar la guera civil americana, in 1861, Garibaldi ga oferto i soi lavori al presidente Abrahan Lincoln, traverso de una lètera al giornal New York Daily Tribune.

Durante tuta la so vita, Garibaldi ga trovà deliberar Roma del poter papal a ogni oportunità. Nte'l giorno 28 de August i ga trovà co'i Bersaglieri che ga verto fogo. Garibaldi ga dito par i so òmini nò risponder, però qualchedun lo ga desobedisto e al restar in pie par far i so òmini fermarse, ze stato feriu due olte par i baletoni. Dopo de quìndese minuti de lota, quando ga cascà Garibaldi, la lota se ga finida e Garibaldi ze stato menà in preson fin Varignano. Sevitemo setimana che vien...

Acesse: www.agtv.com.br/radio e ouça o programa Radisa Véneta, de 2ª a 6ª, das 8 às 9h30 da manhã e das 17h às 18h.

Ouça aos domingos, Ricordi d'Itàlia, na Sol d'Amèrica 91.1, das 7 às 9h30 da manhã.

 

Comentários