Giuseppe Garibaldi... el eroe de'i due mondi!!(6º e ùltimo toco)
Sexta, 18 de Março de 2016

Brai taliani, l'è con piaser che mi rivo qua nantra volta par sevitar el raconto sora la vita de Giuseppe Garibaldi. Nte'l ano de 1866, Garibaldi ga tornà nte'a lota, questa volta par liberar Venesia, ancora sora le sate de'i austrìachi. In 3 de Iulio in Monte Suello, ga parà via i austrìachi, ma l'è stato ferio nte'a gamba par un colpo sbalià de uno dei soi compagni, lassando cossì el comando. Garibaldi ga partissipà del congresso de'a pace, in 9 de setiembre de 1867 in Genebra, ndove ze stato eleto presidente onorìfico. Ga parecià un atache a Roma, ma sensa el aiuto del stato, in 23 de setiembre el ga lassà Florensa, in sèvita, nte'l giorno 24 i lo ga fracà in Sinalunga e menà fin Alessandria. Dopo i lo ga portà come prisioner fin la ìsola de Caprera, che zera in quarantena par via de'a còlera. Nte'l giorno 14 de otubre, lassando un sòsia in so posto, el ga scampà via de'a ìsola nte un vècio barcheto che lu ghen'aveva comprà ani vanti. Dopo, insieme con oto mila òmini, el ga atacà Roma, alora dopo de meter fogo nte'l porton de'a fortalessa papal, doperando una careta in fiama, ga ndato rento. Ma come no ga mia catà i citadini de Roma revoltai come lu penseva, el ga tornà indrio coi so òmini. Alora ga risolvesto ndar fin Tivoli, alora ze stato fracà nantra volta e menado fin la ìsola de Caprera de ndove el gaveva scampà. Alora in Agosto de 1868, se ga demitisto dela càrica de deputà.

Ntel ano de 1870 lu ga ndato fin Marseglia nte'a Frànsia par lotar insieme co'i francesi. Dopo nte'l ano 1871, ze stato eleto deputà par la Frànsia. Se ben che eleto par el parlamento italiano, Garibaldi ga passà la maioransa de'i so ani finai, nte'a ìsola de Caprera.

In 1879, ga fondà la "liga de'a democrassia", propondo el sufràgio universal, la abolission de'a propietà eclesiàstica e la emancipassion dele fémene. Malà e nte'l leto par via de una artrite, ga viaià a Calàbria e Sicìlia. In 1880, se ga maridà con Francesca Armosino.

Alora nte'l ano de 1882, ai 74 ani, Giuseppe Garibaldi ze morto in so caseta nte'a ìsola de Caprera. El voleva esser cremà, ma i lo ga imbalsamà e sepolisto nte'a ìsola. Par tuto che ga fato in vita, el nome de Giuseppe Garibaldi ze recognóssuo par tuti i cantoni del mondo. Par tuti i cantoni che se va, se cata i monumenti fati in suo omenaio. I qua a Brasile, la cità de Garibaldi e el ponte Giuseppe Garibaldi sora el fiume che lu ga passà, l'è un omenaio a lu. Struconi a tuti con la benedission del nostro Dio!

Acesse: www.agtv.com.br/radio e ouça o programa Radisa Véneta, de 2ª a 6ª, das 8 às 9h30 da manhã e das 17h às 18h.

Ouça aos domingos o Ricordi d'Itàlia, na Sol d'América 91.1, das 7h às 9h30 da manhã.

Comentários