Insieme co'l fredo, ghe vien anca tanti ricordi !!!
Sexta, 27 de Maio de 2016

Riva el fredo... e con lu, anca la voia de magnar pignoi, patate dolse, móneghe, da bever vin e cossì via! Ansi, no l'è solche la voia de questi magnari che ghe vien in testa insieme co'l fredo, ma anca la nostalgia d'sti ani indrio, de'i tempi de tosatei, in che se feva tante malegràssie, n'dove se giocheva con tuto e se godeva par gnente. Solche quei che ga patio tanto in cologna, sà cossa semo e volemo dir con queste parole, parché, goderse medèsimo co'l patimento, compagni noantri ghe feva, ze solche par la gràssia da Dio.

Adesso, dopo de ani passai, ghe vien el ricordo e fin una voia de piander, parché savemo che i meii ani, la umanità ga belche vivesto e, de qua avanti, ogni volta el patimento se adeventa pedo, e no'l ze solche parché semo drio restar vècii, ma si parché el mondo se ga scambià massa presto in questi ùltimi ani. Tanto presto che le persone se ga smentegà de come ze viver una vita felice, una vita in fameia. Si, noantri gavemo lassà in drio la maniera sémplice de far le cose, la semplicità che ne permeteva una vita contenta; parché i pensieri, la tribolassion e i guaii de'a vita che gavemo incoi, ne cava via el tempo e anca la voia de goderse; goderse tra i amici, tra la fameia, i vissini, la sossietà...

Ze vero che no podemo mia tornar in drio par viver quei ani nantra volta; ma sarà che no podemo mia far gnente par scambiar le cose e catar nantra volta la maniera de esseri pi felici?! Ben, ben,...tornar in drio no podemo mia, ma tornar la nostra vita in diression de Dio, questo si podemo e bisognemo far, parché sensa lu in nostra vita, poareti de noantri, semo tuti persi! Ma l'è come ghe dise la bìbia: incoi l'è el tempo de'a salvassion! Torné a Dio e lu se tornarà a voialtri! Alora giente,...ndemo viver una vita pi drita come Dio ghe vol e ghe dise in so parola? Alora molemo man de tuta la invìdia, de le barufe par gnente, de'a gnoransa e tante altre cose che no ne permesse rivar a Dio! Pensemo sora questo.

Ouça: Mondo Talian, aos sábados, das 8 às 9 da manhã, na Luz e Alegria 95.9

Ouça: Ricordi D'Itàlia, aos domingos, das 7 às 9 da manhã, na Sol D'América 91.1

Se quer divulgar sua festa italiana ou encontros de famílias através dos programas de rádio, entre em contato comigo pelo meu e-mail.

Comentários